• Racconti e Fiabe

    Lu Vèspiru sicilianu.

    Si cunta e s’arriccunta ca a tempi ca cci fôru ‘n Sicilia li Francisi; sti Francisi si misiru a fari tanti angarii ca nuddu nni putía cchiù. ‘Nta di l’àutri misiru la liggi, ca di li donni siciliani cu’ si maritava s’avia a curcari la prima sira cu un Francisi e poi ddoppu cu lu maritu; figuràmunni ca si era una ricca, si cci curcava un capitanu francisi; si era di la mastranza si cci curcava un sargenti o puru un capurali; si era una povira si cci curcava un surdatu. Ora sti cosi eranu di addiggirìrisi? Mancu pri sonnu! e tantu cchiù ca sti Francisi eranu patruna di tutti…

  • Racconti e Fiabe

    Andrea Camilleri racconta la “Festa dei morti”

    “Fino al 1943, nella nottata che passava tra il primo e il due di novembre, ogni casa siciliana dove c’era un picciliddro si popolava di morti a lui familiari. Non fantasmi col linzòlo bianco e con lo scrùscio di catene, si badi bene, non quelli che fanno spavento, ma tali e quali si vedevano nelle fotografie esposte in salotto, consunti, il mezzo sorriso d’occasione stampato sulla faccia, il vestito buono stirato a regola d’arte, non facevano nessuna differenza coi vivi. Noi nicareddri, prima di andarci a coricare, mettevamo sotto il letto un cesto di vimini (la grandezza variava a seconda dei soldi che c’erano in famiglia) che nottetempo i cari…

  • Racconti e Fiabe

    Li Diavuli di la Zisa.

    Hannu a sapiri ca ‘n Palermu cc’è un gran Palazzu ch’è comu un Casteddu e si chiama di la Zisa. A sta Zisa cc’è ‘na ‘ntrata ch’è fatta d’oru e appitturata vera galanti, e ‘nta la menzu ‘na funtana di màrmura ca cci scoppa un’acqua pulita e frisca ca veni lu cori, e ‘nta st’acqua s’arròzzulanu pizzudda d’oru e d’argentu. Ora ddocu, ‘nta sta Zisa, cc’è lu ‘ncantisimu, e cc’è un bancu di munita d’oru, la cchiù granni chi mai (ma no quantu lu bancu di Ddisisa), e lu tennu ‘ncantatu li Diàvuli, pirchì nun vonnu chi si lu pigghiassiru li cristiani; pirchì lor signuri hannu a sapiri ca stu…

  • Racconti e Fiabe

    Giufà e lu Judici.

    Si cunta ca Giufà ‘na matina si nni ij’ a finocchi, e ad arricuglìrisi a lu paisi si arridducì’ di notti; nna mentri caminava cc’era la Luna ed era annuvulata, e la Luna affacciava e cuddava; s’assetta ‘n capu ‘na petra e si minti a taliari la Luna ca affacciava e cuddava, e cci dicía quann’affacciava: – «Affaccia, affaccia;» quannu cuddava cci dicía: – «Codda, codda,» e ‘un allintava di diri: «Affaccia affaccia! codda codda!» ‘Ntantu ddà sutta la via cc’eranu du’ latri ca scurciavanu ‘na vitedda, ca l’avianu arrubbatu; quannu ‘ntisiru diri: – «Affaccia e codda,» si scantavanu ca vinía la Ghiustizia; appizzanu a cùrriri e lassanu la carni.…

  • Racconti e Fiabe

    Gugghiermu lu Bonu.

    ‘Na vota cc’era e cc’era un Rignanti ca avía lu duminiu supra di la Sicilia; ssu Rignanti si chiamava Gugghiermu lu Bonu, pirchì era Bonu cu tutti, avía lu cori comu la carta, e a nuddu mai appi a fari lamintari, mancu pri ‘na zicchittata; basta a diri ca fu chiddu ca livau la munita di còriu chi misi lu Gugghiermu lu Malu, pirchì iddu a li populi li vulía beni assai. Dunca, comu stu Gugghiermu lu Bonu era accussì virtuusu, e divotu ca era di la Madonna, la Madonna ‘na jurnata cci vosi fari un ‘mbrâculu ca nun l’avía fattu mai a nuddu; e chi fa? mentri iddu era…

  • Racconti e Fiabe

    Li Biati Pauli

    Si cunta ca a tempi arreri cc’era ‘na Suciità di maistri e di populu abbàsciu ca difinnìanu li gritti di li boni aggenti, e li vinnicavanu contra li priputenti ricchi e li nobili ca avìanu lu putiri ‘mmanu e facìanu angarii e cosi torti a la pupulazioni. Mittemu ca cc’era un riccu ca ‘ncuitava ‘na picciotta onesta di lu populu abbàsciu; lu sapìanu li Biati Pauli, e zittu tu e zittu io cci facìanu assèntiri ca o si cuitava iddu, o chi lu livavanu di ‘mmenzu; e si nun la sintía la canzuna, si l’astutavanu pi daveru, e nuddu ciatava. Si cc’era, figuràmunni, un Viciarrè, ca facía priputenzi, e cunnannava…

  • Racconti e Fiabe

    Lu Re e li carzarati.

    Un Re di Cicilia ‘na vota iju a visitari ‘na càrzara di carzarati, tutti cu’ cunnannati vint’anni, cu’ a trent’ anni, cu’ a vita; si misiru tutti a ringa aspittannu a lu Re chi passava. Quannu lu Re cci fu pi davanti, spijò a lu primu: – «Tu pirchì si’ ccà cunnannatu? Chi facisti?» – «Io, Maistà! Io sugnu ‘nnuccenti; mi pigghiaru mentri era a la mè casa.» – «E tu?» dici a lu secunnu. – «Io sugnu ‘nnuccenti comu Maria Santissima. Quannu mi ‘ncatturaru io era curcatu.» – «E tu?» dici a lu terzu. – «Io sugnu ‘mputatu d’aviri ammazzatu a unu; ma fôru tutti calunnii, e soffru attortamenti.»…

  • Racconti e Fiabe

    Giufà e la statua di ghissu

    Si cunta ca cc’era ‘na mamma, e avía un figliu chiamatu Giufà; sta mamma di Giufà campava pòghira. Stu Giufà era babbu, e lagnusu e mariuolu: sò anatri avía ‘na puocu di tila e cci dissi a Giufà: – «Pigliammu ‘na puocu di tila; e la va’ a vieni ‘ntra un paisi luntanu, e l’ha’ a vìnniri a chiddi pirsuni chi parlanu picca.» Giufà si partì’ cu la tila ‘n cuoddu e si nni ij’ a vìnniri. Arrivatu ‘ntra un paisi accumincià’ a vanniari: – «Cu’ voli la tila!» Lu chiamavanu li genti e accuminciavanu a parlari assai, a cu’ cci paría grossa, a cu’ cci paría cara. Giufà cci…

  • Racconti e Fiabe

    Cola Pisci

    Cola Pisci era un farotu, ca sapia natari megghiu d’un pisci, basta diri ca java di Missina a Catania e di Catania a Missina, sempri sutt’acqua. ‘Na vota vinni lu Re ccà a Missina, e sintíu diri ch’avianu a Missina st’omu maravigghiusu , ch’era lu primu nataturi. Sintennu accussì, lu vosi vìdiri. Cola fu chiamatu e si prisintau a lu Re. – Dimmi: è veru (cci dici lu Re) ca tu sai ben natari? – Maistà, sì! Allura lu Re cci jittau ‘na spada a mari, e Cola si calau e l’annau a pigghiiari. Vidennu chistu, la Riggina cci jittau ‘n aneddu, non cci cridennu chi Cola Pisci lu putía…